5 қыркүйек – Қазақстан халқы тілдері күніне орай 6-сынып оқушылары арасында «Тіл – достықтың алтын көпірі» тақырыбында танымдық іс-шара өткізілді. Іс-шараның мақсаты – оқушылардың тілге деген құрметі мен қызығушылығын арттыру, ана тілінің қадір-қасиетін дәріптеу, өзге тілдерді үйренуге деген ынтасын қалыптастыру, сондай-ақ халықтар арасындағы достық пен бірлікті насихаттау. Шара барысында оқушылар тілдің адам өміріндегі маңызы туралы өз ойларын ортаға салып, қызықты тапсырмалар орындап, тілдер әлеміне саяхат жасады. Әртүрлі тілдер мен мәдениеттер туралы танымдық ақпараттармен бөлісіп, тіл арқылы адамдардың бір-бірін түсінуі мен өзара сыйластықтың маңызын түсінді. Жауапты мұғалімдер: Тусенова Б.К, Амангельдинова Б.И, Ахметбекова Г.А