«№79 НОМ» мектеп кітапханасында кітапхана меңгерушісі Новикова М.П. Кеңес Одағының Батыры Мәметова Мәншүк Жиенғалиқызының 100 жылдығына арналған «Қаһарман қазақ қызы» атты кітап көрмесін дайындады.

М.Мәметованың өмірі туралы материалдар: энциклопедиялар мен өмірбаяндық анықтамалықтар «Қаһарман қазақ қызы» атты кітап көрмесіне қойылған. Одан әрі көрмеде аты аңызға айналған пулеметшінің ерлігін дәріптейтін материалдар: ол туралы мерзімді баспасөз беттеріндегі кітаптар мен мақалалар көрсетіледі.

Кітап көрмесінің мақсаты – Мәншүк Мәметованың Екінші дүниежүзілік соғыс жылдарындағы ерлігі мен ортақ Жеңіске қосқан үлесімен оқырмандарды таныстыру, сондай-ақ өскелең ұрпақтың бойында патриоттық, Отанға деген сүйіспеншілік сезімін ояту.