Саптық жиын барысында директордың тәрбие жұмысы жөніндегі орынбасары Назарова Л.М. оқушыларды апта дәйексөзімен таныстырды: «Тәртіп болмай – ел болмайды», — деп, мектепте және күнделікті өмірде тәртіпті сақтау, жауапкершілік пен заң талаптарын орындаудың маңыздылығына ерекше назар аударды. Сонымен қатар қаңтар айының Заң және тәртіп айы болып белгіленгені айтылып, осы бағытта мектепте жоспарланған тәрбиелік және алдын алу іс-шаралары өткізілуде екені атап өтілді. Аталған іс-шаралар оқушылардың құқықтық мәдениетін қалыптастыруға бағытталған.
Одан кейін мектеп директоры Бакирова А.Д. оқушыларға арнап сөз сөйлеп, оқу процесіне жауапкершілікпен қараудың, мектеп ережелерін сақтаудың маңыздылығын атап өтті. Сонымен қатар білім алушыларды белсенді, мақсатшыл әрі тәртіпті болуға шақырып, әрбір оқушының жетістігі оның өз еңбегіне, ұстаздар еңбегін құрметтеуіне және білімге деген ұмтылысына тікелей байланысты екенін айтты.
Саптық жиын соңында мектепішілік жүргізушілер байқауына белсене қатысқан оқушылар дипломдармен және сертификаттармен марапатталды. Бұл марапаттар олардың шығармашылық бастамасы мен мектеп өміріндегі белсенділігінің лайықты бағасы болды.
Байланыс телефондары
