№77 мектеп-балабақша кешенінде  «Денсаулық -2012»  фестивалі өтті.   «Денсаулық-2012»   фестивалі Қазақстан Республикасының 2011-2015 жылдарға арналған «Саламатты Қазақстан»  мемлекеттік бағдарламасы аясында,  «Мен, сен, ол- біз салауатты елміз»  ұранымен  ұйымдастырылды. Аталған фестивалге мектеп оқушылары мен ұстаздар, ата-аналар белсене қатысты.

   «Денсаулық-2012» фестивалі мектеп дәстүріне айналған ұрпақтар сабақтастығы эстафетасымен басталды. Мектептің ардагер ұстаздар командасы  «Денсаулық фестивалі»  туын спортта үздік жетістіктерге жетіп жүрген спортшы оқушыларға тапсырды. Фестивалдің ашылу салтанатына №4 емхана жанындағы «Жастар» орталығының мамандары қатысып, денсаулықты жас кезден сақтаудың маңызына тоқталды. Денсаулық фестивалінің ашылу салтанатынан кейін 1-11 сынып оқушылары мен ұстаздар спорттық сайыстарға қатысты. Мектеп жанынан  жалпы жұртшылыққа қызмет көрсету үшін медициналық-психологиялық  көшпелі орталығы ашылып, көпшілікке  тақырыптық кеңестер берілді.

 Мереке соңы  дұрыс тамақтануды насихаттау мақсатындағы жәрмеңкеге ұласты.