Мамыр айының 17 – і жұлдызы күні мектебімізде 1- сыныптар мен 11- сыныптар арасында «Кім болғым келеді?» тақырыбында сыныптан тыс көңілді ойын сабақтары өткізілді. Сабаққа 11 «А», «Ә»  сондай –ақ 1 «А», «Ә», «Б», «Ғ» сыныптары қатысты. Сабақ барысында 11-сынып оқушылары 1-сынып оқушыларына мамандыққа байланысты әртүрлі қызықты мәліметтер берді. Сабақ үстінде  1- сынып оқушыларын әртүрлі  мамандық иелерімен таныстырып, тақырып төңірегінде әртүрлі тапсырмалар орындатты. Яғни, мамандыққа байланысты сәйкестендіру тапсырмалары, қызықты жұмбақтар, мақал-мәтелдер айтылды. 1- сынып оқушылары өз ойларын айтып, түлектерге өздерінің жылы лебіздерін білдірді және бұл сабақтың одан әрі қызықты болып өз дәрежесінде өтуі үшін  1- сынып бүлдіршіндері өз өнерлерін ортаға салып, ән айтып, би билеп шағын көріністер де көрсете білді. Сабақтың соңына қарай жас түлектер мен бүлдіршіндеріміз бір – біріне жылы тілектерін айтып сыйлықтар жасады. Алдағы күндері де осындай көңілді сабақтар көп бола берсін.