№77 мектеп-балабақша кешенінің 9-10 сынып оқушылары Орта Азия халықтарының ортақ мерекесі Наурыз тойын мерекелеуге арналған шараға қатысты. Мереке басында оқушылар 11-А сынып түлегі Хайдаров Жайдар сомдаған Қызыр бабаны қарсы алып, батасын алды. Көнеден келе жатқан қазақ халқының көне аспабы қобызда 8-Ә сынып оқушысы Айткен Аида «Көктем» күйін орындап, құлақ құрышын қандырды. Сайысқа қатысушылар әр ұлт өкілдерінің (қазақ, қырғыз, өзбек, әзірбайжан) ұлттық ерекшеліктеріне тоқталып, ұлттық киімдерін сипаттады. Ұлттық тағам түрлерімен таныстырды, салт-дәстүрлерін көрсеткен презентациялар қорғады. Сондай-ақ, өздері таңдаған сол ұлт өкілдерінің ән-билерін орындады. Соңында Наурыз мерекесіне байланысты білімдерін байқау мақсатында «Білімді мыңды жығады» жарысы ұйымдастырылды. Сайыс қорытындысы бойынша бас жүлдені жүзден жүйрік шыққан 10-Ә сыныбы; I орынды 10-А сыныбы, II орынды 9-Ә сыныбы, ал, III орынды 9-А сыныбы иеленді. Жалпы сайыс өте қызықты, тартысты өтті. Әділқазылар әділ билік жасады. Аталған шараны 9-Ә сыныбының оқушылары мен сынып жетекшісі Тұрлыбекова Зәуреш Аманкелдіқызы ұйымдастырды.
Contacts
