19.04.2025 «Қарағанды ​​қаласының білім бөлімі» ММ Әдістемелік кабинеті, «№33 «мектеп-бөбекжай-бақша» кешені» КММ және «Н.Әбдіров атындағы ЖББМ» КММ бірлесіп, 7-11 сынып оқушыларына арналған «STEMstar-2025» 2-ші қалалық STEM жобалар байқау-фестивалі өткізілді. Байқау-фестивальдің қазылар алқасының құрамында мектебіміздің география пәнінің мұғалімі, педагог-сарапшы Ибраева Меруерт Байдосқызы болды. Іс-шараның мақсаты: Оқушылар арасында STEM-білім беруді кеңінен насихаттау, ғылыми жобаларды дамыту, сондай-ақ инженерлік жобаларды көрсету, сонымен қатар инженерлік-техникалық жұмысты дамыту, технологиялық ойлау креативтілігін дамыту.  «STEMstar-2025» жобалары фестивалінде "Кескіндеме өнерінде майлы бояудың сапалылығы" тақырыбы жобасымен 10 "А" Жас сарбаз  оқушысы Жұмабек Ә. 1-орынға ие болды.  Ғылыми жетекшісі: технология пәнінің мұғалімі Карбозов С. Осы байқау-фестивалінде «Күн панельдері» жобасы бойынша мектебіміздің 10 «А» Жас сарбаз сынып оқушылары Илесалиев Н. және Жұмабек Ә. қала бойынша өз жобаларымен ой бөлісті.