Кәсіби бағыт бағдар беру бойынша, мектептің 11-сынып оқушылары ZOOM платформасы арқылы  «Мамандықты дұрыс таңдау - болашаққа бастар жол» тақырыбы бойынша онлайн кездесуге қатысты.  Кездесуді Қазақ ұлттық аграрлық зерттеу университеті өткізді. Қазіргі уақытта университет әлемнің алдыңғы қатарлы 140 жоғары оқу орнымен және ғылыми орталықтарымен ынтымақтастық құруда. Университет 56 бакалавриат, 3 – арнайы жоғары білім, 89 – магистратура және 21 – PhD докторантура бойынша білім беру бағдарламаларын іске асырып келеді. 26 кафедраны қамтитын 6 факультетте 7 мыңға жуық адам білім алуда. Оның ішінде 449 магистрант, 167 PhD докторант бар, бұл білім алушылардың 15% құрайды. Мемлекеттік білім беру гранттары бойынша білім алушылардың үлесі 56,8%. Онлайн кездесу барысында университет туралы бейнероликтер көрсетіліп, ақпараттық буклеттер ұсынылды. Бұл іс-шара оқушылардың болашақ мамандықты саналы түрде таңдауға мүмкіндік ұсынды. Қызығушылық танытқан мамандықтарға қатысты кеңестер беріліп, таңдаған мамандықтар туралы ақпарат берілді.

Жауапты: Ахметова А.М.