Кәсіптік бағдар – болашаққа қадам!

Кәсіби бағдар беру бойынша мектебіміздің жоғары сынып оқушылары кәсіптік бағдар беру жұмысы аясында Қарағанды ұлттық зерттеу университеті ұйымдастырған «Ашық есік күні» іс-шарасына қатысты.

Іс-шара барысында оқушылар университеттің білім беру бағдарламаларымен, сұранысқа ие мамандықтарымен және қабылдау талаптарымен кеңінен танысты. Сонымен қатар, оқу орнының материалдық-техникалық базасын аралап, заманауи зертханалар мен аудиторияларды көріп, оқытушылар мен студенттермен еркін форматта сұхбат жүргізді.

Бұл кездесу оқушыларға болашақ мамандықтарын саналы түрде таңдауға, өз қызығушылықтары мен мүмкіндіктерін анықтауға үлкен мүмкіндік берді.

«Бүгінгі таңдау – ертеңгі табыстың бастауы»

Осындай маңызды іс-шаралар оқушылардың кәсіби бағыт-бағдарын айқындап, үлкен өмірге нық қадам жасауына септігін тигізеді.

Сынып жетекшісі:

Джалмаганбетова Диляра Темирболатовна