Латын графикасында оқу және жазу дағдысын қалыптастырамыз
6 қазанда «№5 ҚББМО» КММ-де Қарағанды облысының тілдерді дамыту жөніндегі басқармасы жанындағы Ресурстық тіл орталығының оқытушысы Камила Ерсінқызы Аман «Латын графикасында оқу және жазу дағдысын қалыптастырамыз» атты тренинг өткізді. Бірлескен іс-шараны ұйымдастырған директордың орынбасары Калиева А.М. және үйірме жетекшісі Айткенова М.Б. Тренингке 5-6-сынып оқушылары қатысты. Биылғы оқу жылында қосымша білім беру орталығында жаңа үйірме басталды. Үйірме «Латын графикасы: тез әрі оңай үйренейік!» деп аталады. Бұл үйірмеге 5-6-сынып оқушылары қатысады. Қоғамда талқыланып жатқан мәселемен балалар да таныс болсын деген мақсатта ұйымдастырылған бірлескен іс-шара оқушылардың көңілінен шықты.