Әлихан Бөкейхан ауданының прокуратурасының бастамасымен «Заң және тәртіп» идеологиясы аясында «Прокурор түсіндіреді» айдары іске қосылды.
Осы айдар шеңберінде азаматтардың құқықтық сауаттылығын арттыру мақсатында Қазақстан Республикасының заңнамасына қатысты түсіндірмелер беріледі. Осыған байланысты стоматологиялық көмектің көрсетілу тәртібіне тоқталу көзделген.
Қазақстанда стоматологиялық көмек міндетті әлеуметтік медициналық сақтандыру аясында көрсетіледі.
Стоматологиялық көмек шұғыл және жоспарлы болып бөлінеді.
Шұғыл стоматологиялық көмек тегін көрсетіледі:
18 жасқа дейінгі балаларға, жүкті әйелдерге, зейнеткерлерге, барлық топтағы мүгедектігі бар адамдарға, Ұлы Отан соғысының ардагерлері мен қатысушыларына, көпбалалы аналарға, атаулы әлеуметтік көмек алушыларға, сондай-ақ әлеуметтік мәні бар және жұқпалы аурулары бар тұлғаларға.
Жоспарлы стоматологиялық көмек өмірге қауіп төндірмейтін аурулар кезінде көрсетіледі және 18 жасқа дейінгі балаларға және жүкті әйелдерге тегін көрсетіледі.
Тегін стоматологиялық көмекті мемлекеттік емханаларда, сондай-ақ міндетті әлеуметтік медициналық сақтандыру қорының жеткізушілері болып табылатын жеке стоматологиялық клиникаларда алуға болады.
Клиникалардың тізімі Қордың ресми сайтында орналастырылған, қосымша ақпаратты 1414 нөмірі арқылы алуға болады.

https://www.instagram.com/prokuratura_obl_krg?igsh=MXUyOXMxOHJtenNtdQ==