Қарағанды қаласы Ә.Бөкейхан ауданы прокуратурасының бастамасымен педагогтарға арналған дағдарыстық және төтенше жағдайлар, сондай-ақ террористік сипаттағы қауіптер кезіндегі іс-әрекеттер бойынша тренинг өткізілді. Іс-шараның негізгі мақсаты — білім беру ұйымдарындағы қауіпсіздік деңгейін арттыру.
Тренингке Төтенше жағдайлар басқармасының өкілдері, медициналық қызметкерлер, терроризмге қарсы комиссия өкілі және психолог қатысты. Қатысушыларға төтенше жағдайлар кезіндегі іс-қимыл, алғашқы медициналық көмек көрсету және күйзеліс жағдайындағы балалармен жұмыс істеу бойынша практикалық ұсынымдар берілді.
Іс-шара «Заң және тәртіп» идеологиясы аясында өткізіліп, қауіпсіздік мәдениетін қалыптастыруға және төтенше жағдайлардың алдын алуға бағытталды.