Қазақстан Республикасы Ішкі істер министрлігінің тапсырмасына сәйкес, 2026 жыл ІІО жүйесінде «Заң мен Тәртіп – қауіпсіз балалық шақтың кепілі» жылы болып жариялануына байланысты, кәмелетке толмағандар арасындағы құқық бұзушылықтардың алдын алу, балалардың қауіпсіздігін қамтамасыз ету және олардың заңды мүдделерін қорғау мақсатында 2026 жылғы 18-20 маусым аралығында Оңтүстік-шығыс полиция бөлімінің қызмет көрсету аумағында «Түнгі қаладағы балалар» республикалық жедел-профилактикалық іс-шарасы өткізіледі.
Іс-шара барысында полиция қызметкерлері білім беру ұйымдарының өкілдерімен, мүдделі мемлекеттік органдармен және қоғамдық ұйымдармен бірлесіп, жасөспірімдердің түнгі уақытта заңды өкілдерінің қарауынсыз жүру фактілерін анықтау, ойын-сауық орындарын, жастар көп жиналатын аумақтарды, аулаларды, жертөлелерді және басқа да қоғамдық орындарды тексеру жұмыстарын жүргізеді.
Сонымен қатар, кәмелетке толмағандардың құқықтарын қорғау, құқық бұзушылықтардың алдын алу, балалардың қауіпсіздігіне қауіп төндіретін жағдайларды анықтау және жолын кесу, сондай-ақ ата-аналар мен заңды өкілдердің жауапкершілігін арттыру бағытында профилактикалық іс-шаралар ұйымдастырылады.
Оңтүстік-шығысполиция бөлімі ата-аналар мен заңды өкілдерді балалардың бос уақытын тиімді ұйымдастыруға, олардың қайда және кіммен жүргенін бақылауға, сондай-ақ қауіпсіздік талаптарын сақтауға шақырады.
Балалардың қауіпсіздігі – баршамыздың ортақ міндетіміз.
Авторство:
