Бүгін мектебімізде оқу жылының ең маңызды әрі жүрек тебірентерлік сәттерінің бірі – 11-сынып түлектеріне аттестат тапсырудың салтанатты рәсімі өтті.
Бұл күн – білімге, ізденіске, жеңістерге, достыққа және ұмытылмас мектеп жылдарына толы өмірдің маңызды бір кезеңінің аяқталғанын білдіретін ерекше белес. Артта қажырлы еңбекке толы мектеп өмірі қалса, алда түлектерімізді асқақ армандар, жаңа мүмкіндіктер мен жарқын жетістіктер күтіп тұр.
Мектебіміздің мақтанышы – ең жоғары оқушы марапаты «Алтын белгі» иегері, 11«В» сынып оқушысы Шыныбекова Гүлназ Берікқызы атанды.
Сондай-ақ «Үздік аттестат» иегерлері:
11«В» сынып оқушысы Маничкина Кристина Ильинична;
11«А» сынып оқушысы Өтеген Алтынай Нұржанқызы.
Барша түлектерімізді өмірлеріндегі осы айтулы оқиғамен шын жүректен құттықтаймыз!
Мектеп қабырғасында алған білімдеріңіз болашақтағы үлкен жетістіктеріңіздің берік іргетасы болып, әрбір қадамдарыңыз сәттілік пен табысқа бастасын.
Ұстаздарымызға кәсіби шеберлігі, өлшеусіз еңбегі мен шәкірттеріне деген жанашырлығы үшін, ал ата-аналарға балаларына көрсеткен қолдауы, сенімі мен қамқорлығы үшін зор алғысымызды білдіреміз.
Құрметті түлектер!
Алдағы өмір жолдарыңыз ашық, жарқын әрі баянды болсын!
Армандарыңызға нық қадаммен ұмтылып, ешқашан қиындықтан қорықпаңыздар. Өз күштеріңізге сеніңіздер және туған мектептің есігі сіздер үшін әрдайым ашық екенін ұмытпаңыздар!
Ақ жол, жас түлектер!
Авторство:
