Жоспарлы профилактикалық әңгімелер жүргізу ЖПҚ инспекторы мен мектептің Профилактика кеңесінің бірлескен жұмысының ажырамас бөлігі болып табылады.

Кездесу барысында инспектор оқушыларға мектепте, көшеде, қоғамдық орындарда және көпшілік демалатын жерлерде жүріс-тұрыс ережелерін сақтау қажеттігін еске салды. Спирттік ішімдіктер, темекі бұйымдары және электрондық темекілердің зиянына, сондай-ақ осы зиянды әдеттердің салдарына ерекше назар аударылды.

Сонымен қатар, инспектор жол қозғалысы ережелерін қайталап, жасөспірімдерге құқық бұзушылық пен қылмыс жасағаны үшін жауапкершілік түрлерін түсіндірді. Олардың қатарында ұрлық, тонау, бопсалау, дене жарақатын салу бар. Оқушыларға қылмыстық жауапкершілік қандай жастан басталатыны және заңнамада қандай жазалар көзделгені жеткізілді.

8-сынып оқушылары ЖПҚ инспекторын үлкен зейінмен тыңдап, өздерін қызықтырған барлық сұрақтарға жауап алды.