Мамыр айының 12-күні қасиетті қара шаңырағымызда өскелен ұрпаққа шертпе күй атасы – Тәттімбет Қазанғапұлының шығармашылығы мен бізге жеткен асыл мұрасын насихаттау мақсатында «Қазақ рухына – Тәттімбет тәлімі» атты бірінші мектепішілік конференция өткізілді.

Бұл шараға қатысқан оқушылар өз жобаларын қазақ, орыс, ағылшын тілдерінде дайындап, әділқазылар алқасы қойған қосымша сұрақтарға іркілмей толық жауап беріп, өздері үлкен қызығушылықпен дайындалғандарын айтып өтті.

Ерекше қызығушылықпен дайындалып, өз жобасын үлкен мәртебемен ұсынған 4 «А» сынып оқушысы Аяпберген Жаннұр «Шертпе күйдің шебері» атты жұмысымен бас жүлде иегері атанды.