Ыстық күндері суға түсіп, салқындау, бой сергіту қандай рахат десеңізші! Бүгін КММ «№101 мектеп - лицейі» жанындағы «ЖАЗ» сауықтыру лагерінің оқушылары Қарағанды қаласындағы өздерінің сүйікті спорт – ойын - сауық орталығындағы «Дельфин» аквапаркіне барды. Суға түсіп, су ішінде түрлі ойындар ойнап, көңіл көтерген балалардың қуаныштарында шек болмады. Суда жүзу тек бой сергітіп қана қоймай, бала денсаулығын нығайтудың, әдемі мүсін қалыптастырудың жолы екені мәлім. Сондықтан біздің лагердегі балалар үнемі суда жүзуге құштар - ақ. Балаларға көңілді демалыс, сәттілік тілейміз!