Мектеп-лицейде Құрылтай педагогикалық кеңесі өткізілді. Онда мектеп ұжымы қалалық және облыстық мектептер рейтингісі қорытындысын, ұжым жұмысының әлсіз және күшті жақтарын талқылап, мүмкіндіктері мен қауіптерін анықтады. Мектеп директоры дарынды оқушыларды оқыту мен тәрбие беруде, әдістемелік жұмыстар мен оқу-тәрбие жұмысын ақпараттыруға салмақты үлес қосқан педагогтарға алғыс білдірді. Педагогтар жаңа оқу жылының мақсаты мен міндеттерін айқындады. Ұжымға жаңадан келген педагогтар ұсынылды, олардың арасында жас мамандар да бар.