Қазақстан Республикасы Тәуелсіздігінің 30 жылдық мерекесі қарсаңында №101 мектеп-лицейінің қазақ тілі кафедрасы мұғалімдері түрлі іс-шаралар ұйымдастырып отыр. Мақсаты: жас ұрпаққа ел тәуелсіздігінің ең басты құндылық екенін ұғындыру, олардың бойындағы патриоттық сезімдерін арттыру болып табылады. Осыған орай 6 сынып оқушылары арасында ұлттық ойын түрлерінен жарыс ұйымдастырылды. Оқушылар асық ату, арқан тарту, тоғызқұмалақ, аударыспақ ұлттық ойындары бойынша сайысқа түсіп, өз шеберліктерін ортаға салды. Сайыс өте қызықты және көңілді өтті. Ұйымдастырған: пән мұғалімдері    Б.Багжанова., К.Шайлимбекова.