Қалалық “Зияткерлік модернизация”жобасы аясында Ы.Алтынсарин мектеп-лицейінде 2022-2023 оқу жылынан бастап құндылыққа бағытталған тәсілді іске асыру жүзеге асырылуда. Осы бағытта мектеп-лицейдің 60 мұғалімі жалпы адамзаттық және ұлттық құндылықтарды бойына сіңірген, заманауи білімдерді меңгерген, бәсекеге қабілетті, салауатты ұрпақ тәрбиелеу мақсатында мектеп-лицейде Qundylyk.kz орталығының мамандарымен бірлесе өткізіліп жатқан “Құндылықтарға негізделген білім беру” курсында білімдерін шыңдауда. Курсқа 14.08.2023 - 18.08.2023ж аралығында қазақ тілінде білім беретін сынып мұғалімдері қатысуда және орыс тілінде білім беретін мұғалімдері үшін жалғастырылады. Курстың тиімділігі:
-Білім беру ұйымының тәрбие процесін жүйелендіру;
-Мұғалім мен оқушы арасында ұтымды қарым-қатынас орнату;
-Оқушылардың бойына құндылықтарды дәріптеу;
-Cабақтардың сапасын арттыру.