Педагогикалық хакатон форматындағы педагогикалық кеңес: идеядан – іске

Ы. Алтынсарин атындағы мектеп-лицейде педагогикалық кеңес практикаға бағытталған жаңа форматта – педагогикалық хакатон түрінде өтті.

Мектептің барлық педагогтері екі негізгі бағыт бойынша топтарға бөлініп жұмыс жүргізді:

I бағыт: «Адал азамат. Біртұтас тәрбие»
Мақсаты: білім алушылардың рухани-адамгершілік құндылықтарын, азаматтық жауапкершілігін және мәдени мінез-құлқын қалыптастыруға бағытталған тәрбиелік жобаларды әзірлеу.

II бағыт: «Білім сапасын арттыру»
Мақсаты: білім беру үдерісінің тиімділігін арттыруға бағытталған заманауи әдістер мен практикалық модельдерді ұсыну.

Хакатон барысында әр команда:
өзекті мәселелерді талдады;
нақты шешімдер ұсынды;
үшінші тоқсанға арналған іс-әрекет жоспарларын әзірледі.

Айта кету керек, ұсынылған идеялар қағаз жүзінде қалмайды. Үшінші тоқсан барысында педагогтер өз жобаларын тәжірибеде жүзеге асырып, наурыз айында өтетін педагогикалық кеңесте нәтижелерімен, қорытындыларымен және табысты тәжірибелерімен бөліседі.

Мұндай жұмыс форматы педагогикалық ұжымды ортақ мақсаттар төңірегінде біріктіріп қана қоймай, пікір алмасудан нақты өзгерістерге көшуге мүмкіндік береді.

Бірлескен жобалау мен командалық жұмыс – мектептің тұрақты дамуы мен оқушылардың табысты болашағының кепілі.