Құрметті ата-аналар мен білім алушылар!

Ы. Алтынсарин атындағы мектеп-лицей әкімшілігі атынан 2025–2026 оқу жылындағы «Соңғы қоңырау» мерекесі мен қорытынды аттестаттау кезеңіне байланысты 4, 9 және 11-сынып оқушылары үшін төмендегі міндетті талаптардың енгізілетінін хабарлаймын.
Аталған талаптар Қазақстан Республикасының 2015 жылғы 18 қарашадағы № 410-V ҚРЗ «Сыбайлас жемқорлыққа қарсы іс-қимыл туралы» Заңына сәйкес қабылданды (өзгерістер мен толықтыруларымен).
Атап айтқанда, заңның негізгі қағидаттарына сәйкес сыбайлас жемқорлық – қызметтік өкілеттіктерді жеке пайда табу мақсатында заңсыз пайдалану болып табылады, ал білім беру ұйымдарында мұндай әрекеттердің алдын алу – міндетті талаптардың бірі.
Осыған байланысты қатаң түрде тыйым салынады:
— мұғалімдерге қандай да бір сыйлықтар ұсынуға және ақша жинауға;
— аниматорларды, студиялар мен агенттіктерді тартуға;
— мектептің шаруашылық және санитарлық қажеттіліктеріне білім алушылардан қаражат жинауға;
— автокөлік шерулерін ұйымдастыруға, ойын-сауық орталықтарына, мейрамханаларға, демалыс орындарына баруға;
— мектеп ішінде немесе одан тыс жерлерде ата-аналар қаражаты есебінен мерекелік іс-шаралар (дастархан) ұйымдастыруға.

Қорытынды аттестаттау кезеңінде әрбір оқушы мектеп формасын сақтауға, тәртіпті ұстануға және өз әрекетіне жауапкершілікпен қарауға міндетті.
Аталған талаптар 4, 9 және 11-сынып оқушылары мен олардың ата-аналары үшін міндетті болып табылады.

Құрметті ата-аналар!
Сіздерден заң талаптарын сақтауды, аталған нормаларға түсіністікпен қарауды және балаларыңыздың қауіпсіздігіне жауапкершілікпен қарауларыңызды сұраймын. Біз үшін сапалы білім беру және адалдық қағидаттарын сақтау – басты міндет.

Құрметпен,
Ы. Алтынсарин атындағы мектеп-лицей директоры
Кенешова Р.А.